مسرحية " زمان العاقة "

" زمان العاقة "[/center]
" تعكس هده المسرحية الرؤية من الخلف لأسباب الهجرة السرية . وتسلط الضوء على مجموعة صغيرة من المجتمع
مسرحية درامية كوميدية مبنية على واقع شباب مغاربة صح "
أول مشهد في المسرحية :
خشبة فارغة تعبر في مظهرها عن زنقة أو حومة صغيرة . مع موسيقى صامتة قد تكون حزينة
دخول خمس شباب في مظهرهم أنهم خارجين الطريق ومن بينهم شابة
....................................
حمادي : عرفتو الخوت شنو عنعملو . مكاين لاشار بن ديبان ولا بني مكادة . هنا عنقصرو فالحومة ديالي ؟؟
نصيرة : واش متفقين معاه الخوت ولا . لا ؟ .
متافق اميلود ؟
ميلود : اهدا اهدا بلاتي " لحظة " ...... متافق معاهم
نصيرة : ونت اخويا العربي ؟
العربي : انا لي قال خويا ميلود انا معاه
حمادي : ونتا اخويا علال اشبالك . هنا ولا لهيها ؟؟؟
نصيرة : اهظر اخاوا ديالي
علال : وصاقي . اللهم هنا ولا فدرب ماما
حمادي : وشفتي حنا ولله الى شباب ورجالة
وجيب العز
الكل : ولا كحز
" ضحك وحركة صفع الايادي مع بعضها في مشهد فكاهي . الكل يدهب في اتجاه لخمر والحشيش
نصيرة : اهد اهدا اهدا اهدا ....... وفين ماشين
حمادي : واش مبغيتوش دسخنو الضلوع ديالكم
ميلود : مكرهناش اخاوا ديالي
حمادي : جيبتلكم شي مواسق مديرينش فالسوق
العربي : ميكونك غير سرقتم من شي موقع قبل ميخرجو . ياك
حمادي : بيبا خاوا ديالي نت هولي كتفهمني ... وسمع اسمع " اغنية تفكري كيفاش كنتي "
" الكل يرقص رقص كوميدي وبعد الرقص "
" الكل يجلس وهو تاعب من الرقص "
علال : وزوينة هد الموسيقى اخوا ديالي الى قولت كدشطح
الكل : مدشطح
ميلود : يكما عييتي اخويا علال
علال : لا ما عييت ما والو غير عرقت
العربي : ونت عرقتي غير بالشطي حاما الجوانات والشراب معت شنو غدي يعملو فيك
نصيرة : والعربي والعربي زكى على علال اصحبي
العربي : هاهو كالس
ميلود : خويا حمادي هاك فتلي معاك هد الجوان
حمادي : عطي الجوان لعلال يفتلولك راه مصخوط فالفتيل
ميلود : هاك اخاي علال
علال : ولاكن عرفتي اخاي ميلود الجبدة اللولية ديالي
ميلود : هاهو ديالك كامل صافي مخصنيش غاديه
العربي : شعندك تعصبتي اميلود . انا غنكيفك معايا الشقوفة يالله ..
علال : صافي نتوما بجوج تكيفو الشقوفة وانا الجوان
حمادي : ابابا ياخاي هد الشقوفة وشحال قصحين . الكيف الجديدة واقل الدراري
ميلود : يكما دوخت ليماك الراس
حمادي : كنحس براسي مرفوع طاير فالسما
نصيرة : هدا غالشقاف اللول انا الثاني واقل غيوصلك للمريخ
حمادي : لواه غيوصلني لكوكب الارض
نصيرة : كلس اخاواديالي مشيتي فيها . انا بعد باراكا عليا غير الشراب . طراكو مورا طراكو
العربي : الكليسا هدي نقصاها غير الموسيقى . دجي مع الكوسطو هدايا
ميلود : وطلقنا اخاي حمادي طلقنا الموسيقى
نصيرة: يتوب اخويا يتوب
الكل : يتوب اخويا يتوب
" موسيقى ميمون الوجدي موسيقى الحشيشة والسكيرية . لحضة صغيرة يستمعون الى الموسيقى ويستمتعون بالرقص الكوميدي والفكاهي . وبعد الرقص "
حمادي : صافي ارتاحو الدراري
ميلود : اجو تنغمولي مع راسكم
العربي : وعندك الحق اخاوا ديالي
" الكل يعود الى الشقوفة والجوانات والسكرة "
ميلود : هد البلاد اخوتي مابغيناش
علال : وزوين عندك هد المصطلاح . ما بغيناش
حمادي : وضاح كلامك اخاي ميلود
ميلود : الناس دارو الديار ومشاريع وطوموبيلات وفيلات وحن وحن وحن وحن .......
نصيرة : وحن مالنا اخاي ميلود
ميلود : وحنا تايهين فالزناقي مشومرين
العربي : وشنو المعمول اميلود . هدا حال الدنيا
حمادي : ماكاين فهد البلاد لاخدمة لاردمة كاين الشقوفة والحشيش . ومولاها ربي
ميلود : انت باك مغني اخاي حمادي عندك مدقول فهد البلاد
حمادي : سمع اخاي ميلود نقلك وحد الحاجة ادا كان ابا مغني . راه مغني اراسو مشي ليا انا
نصيرة : حمادي مسكين فحالو فحالنا ما زايد علينا والو
علال : الناس فاوروبا اخوتي عيشين مبرعين وراهم غير مغاربة فحالنا فحالم
العربي : لي فاوروبا راه عايش ارنا نتاش نو غدي دعمل فهد البلاد
ميلود : اهدا اهدا ........... انتوما جبدتو هد القضيا داوروبا ؟؟ عندي ليكم وحد الفكرة جهنمية
الكل : اشنو ؟؟ فكرة جهنمية
ميلود : اضرب على يماها ولله الى جهنمية
" مشهد لضرب الايادي "
نصيرة : وشنو هد الفكرة بالسلامة
ميلود : لاء مغديشي نقولكم شنو هي حتى يطلقنا للفراجة خاي حمادي
حمادي : هاهو وحد الديسكو باقي سخون
" موسيقى .........."
" رقص الجميع رقص كوميدي وبعد الرقص يجلس الكل وهو منهك "
حمادي : ارانا ماعندك اخاي ميلود
ميلود : الفكرة كاملة هو نت اخاي حمادي ... انت هو الحل ديالة
علال : كيفاش مفهمناش
العربي : بصاح ما فهمنا والو من كلامك
حمادي : كيفاش الفكرة انا الحل مافهمت والو اخاي ميلود
ميلود : اباك هو عادل الميلودي مغني مشهور فالبلاد ياك... وعندو لفلوس
حمادي : آآآآآآآههههههه
ميلود : ادا نت هو لي غدي تنقدنا من هد البلاد
حمادي : كيفاش باقي ما فهمتش
ميلود : غدي تدي الفلوس لي عند باك ودحرك بيهم
الكل : آآه ... كيفاش " في تعجب "
ميلود : شعندكم تخلعتو . وملي تحرك وتوصل اخاي حمادي صاوبنا الورق دينا باش حتى حن نطلعو نخدمو على راسنا فاوروبا
حمادي: سمع اخاي ميلود انا مامقيد نسرق للواليد مامقيد نحرك ومنقدارشي نغامر براسي
ميلود : سمع احمادي شنو غدي نقولك نت الى غامرتي راك غدي دغامر على قبل صحابك الي حياتك كاملة معاهم وعلى قبل نصيرة
العربي : خاي حمادي ... ميلود عندو الحق
علال : وبصاح اخاي حمادي هدا هو الحل الوحيد بش نخووهد البلاد
" تتحرك نصيرة في اتجاه زاوية الخشبة فتجلس حزينة "
ميلود : فكار مزيان فهد الشي لي قتلك اخاي حمادي
" يتحرك حمادي في اتجاه الخشبة المعاكسة ويجلس يفكر "
" بينما التلاثة الاخرون يتبادلون الخمر والمخدرات "
ترددات صوتية صادرة من حمادي ونصيرة اثناء التفكير :
حمادي : ما بقت عيشة فهد البلاد اش نعمل يا سيدي ربي . اش نعمل . واش نتبع راي صحابي ونحرك . ولاكن ولاكن .....
نصيرة : ماككين لا لاكن ولا لكن . واش مكدحسشي بيا انا كنبغيك احمادي كنبغيك . مبغتكش تسمح فيا مبغتكش تموت فالبحر مبغتكش تحرك تيق فيا احمادي
حمادي : لالالالالالالا... انا الى حركت لاوروبا غدي نولي فلوس وانتوما اللوالا غدي نفكر فيكم . انتوما صحابي ومع بعضيتنا تربينا
نصيرة : اوروبا عالم كبير احمادي والى وصلتيلا حسب راسك نسيتنا . تدك فيدا شي نصرانية . نصدق انا الخاسرة مشي نتا انا منصحكش تحرك
حمادي : عرفك كتبغيني انصيرة . حتى انا كنبغيك . ووعد مني عمرني لنسيتك
" يقومان بسرعة في اتجاه المجموعة "
حمادي : صافي الدراري جبرت
العربي : شنو لي جبرت احمادي
حمادي : والله اللى جبرت
علال : اش جبرت اخاوا ديالي
حمادي : قتلك جبرت جبرت
ميلود : قلنا شنو جبرت بش حن نعرفو
حمادي : جبرت جبرت جبرت
ميلود : الفلوس . الجوانة . قرعة دالبينو ..
حمادي : لاء . لاء . لاء
حمادي : اييه يا فليلو وجبرت الفكرة
علال : اشمن فكرة
حمادي : الفكرة هو اني قررت نعمل بكلامكم ونحرك
ميلود : قررت تحرك الله يا خويا وقولا من الصباح . عناق حار بينما الاخرون يفرحون ويقولون هيييييييي
الا نصيرة فهي تكتب شيء وهي حزينة جدا لاتكلم احد . عناق حار مع الجميع
حمادي : عرفتو الدراري شنو عنعملو فضين من دك الغنى دلاشين حن عنغنو دابا وحد الغنية طنجوية
حمادي : وشكون ضرب محمد
وشكون سرفق محمد
وشكون جحجر محمد
تررن ترن ترن .....
" ضحك ورقص وفكاهة "
محمد دالحومة ازلق وجا فالمة
ايمة يايمة ايمة يا يمة
حمددي ادينا اوروبا دستنا
تررن ترن ترن.....
" بعد انتهاء الاغنية "
العربي : حمدي اتشجع وكن راجل مشي سطل دخول دخول لداركم سرق الفلوس
علال : بصاح اخويا قبل ميجي الوالد ديالك يالله دغيا
" حركة فكاهية لحمادي من شدة الخوف . ارتعاش رجليه مثلا "
ميلود : وسير سير اخوا ديالي كن راجل فحل باباك . جيب العز ؟
الكل : ولا كحز
" يدخل حمادي ليسرق مال ابيه
" مؤثرات صوتية قد تكون صادرة من السماء "
صوت حزين كبداية : ايه يالدنيا . حمادي مسكين غواواه صحابو وراح يجبلم الفلوس بش يحرك على ود صحابو شجعوه على الموت فالبحر . اما نصيرة مبغتوش يحرك حيت كتبغيه وعزيز عليها . صوت حزين
ميلود : وتعطل هد خونا فالله
علال : وعندو عيخلط بوه دابا
العربي : ايوا يحصلو قيطي
" ضحك هيهيهيهيه........ "
" يخرج حمادي وفي يده حقيبة وهو مخلوع "
حمادي : الله ... هاهما الفلوس هاهما
ميلود : ومالك مخلوع اخاوا ديالي
حمادي : هادم فلوس الوالد كيفاش منكنشي مخلوع
ميلود : العربي الله يحفضك شحال فالساعة
العربي : هدي اخاي ميلود 11:30 دالليل
ميلود : ايي حمادي هدا هو الوقت انا غدي نمشي نهظرلك مع البطرون لي كيحرك اري الفلوس . يالله الخوت تعطلنا تبعوني
" خروج العربي وعلال وميلود "
حمادي : التفت من ورائي فراى نصيرة جالسة فامد يده اليها : نوض نوض واقل غدي نودعك اختي نصيرة . امد يده ليسلم عليها لاكن بدل ان يسلم عليها اعطته رسالة ليقراها
" هدا الدور يشخص بصوت حزين "
" يجلس حمادي على ركبتيه بينما نصيرة تخرج "
فيبدا قراءة الرسالة في نفسه :
عزيزي حمادي . لقد امضينا مع بعضنا اوقاتا رائعة لعلها تبقى راسخة في داكرتنا وهاهو الوقت قد حان لنفترق ونودع بعضنا بعد ان قضينا اوقات فرح وحزن في الشوارع ولم ناب الاستسلام لامر الواقع . عزيزي حمادي انت الان بين شيئين اثنين قد تكون محضوض وقد لاتكون تكون محضوض ان غامرت بنفسك في البحر ونجوت وقد لاتكون محضوض ان اكلك الحوت وسط هول امواج البحر ولا خيار بين هادين الشيئين . حقيقة ان قلبي لم يتقبل بتاتا فكرة ان تغامر بجسدك وروحك في البحر من اجل العيش في بلد المهجر من اجل عمل مستقر ومستمر فلعل المغرب خير لك منه لا تنسى شيئا واحدا افكرك فيه هو ان علال والعربي وميلود لا يحبون الا مصلحتهم فيك فقط وليس الا .... تدكرها دائما . حمادي احببتك ولازلت احبك وسابقى الى الابد وداعا حمادي وداعا داخل امواج البحر المظلم . وداعا
" عند انتهاء الرسالة تكون نصيرة خلف ظهر حمادي تمد له يدها لتساعده على الوقوف .... هناك كمشهد رومنسي يودع فيه حمادي عشيقته نصيرة مشهد ميمي دون كلام .
ميلود : خويا حمادي وطلق دغيا اللنشة كدستنك غير نت بوحدك
" مشهد رومنسي للحظة فراق حمادي وسط الخشبة بعدها يخرج حمادي وعلى ظهره محفظته . بكاء نصيرة ثم تخرج
مؤثرات صوتية تقول : اييه يودي يا حمادي هدا هو زمان العاقة زمان الفلوس ولي بلابيهم كلامو مسوس تقدر تعيش فالمغرب ولاكن خصك تكون قافز طولانطي العيش صعيب فهد الدنيا . موسيقى حزينة وصوت الامواج العاتية تبين غرق حمادي في البحر مع اطفاء واشعال الانارة مؤثرات صوتية تقول :
حمادي مات فالبحر وبقو صحابو كيبكو عليه اما صدقتو نصيرة فخرج ليها لعقل وحمقت . في هد المقولة تدخل نصيرة في صفة حمقاء وهي تتكلم لوحدها ..
اييه يالدنيا هدا هو مصير كل مهاجر سري .
دخول ثلاث شباب بلباس احمر. بعده تطلق أغنية أب حمادي " حمادي خو لمطارح " وهم يرقصون عليها بينما نصيرة جالسة تلعب في شعرها يعني "حمقاء" ثم يخرجون من الخشبة بعد لحظة يدخلون ليقدموا أنفسهم إلى الجمهور
ممكن اظافة أي شيء في النهاية
[center] * الــــــــــــــــــــنــــــــهــــــــــايــــــــــــــــــــــــــــــــــــــــــــــــــــــة *