غمض وإحلم

لو إحساسك غلبك مرة

وحبيت تحلم .....

غمض وإحلم

إعشق فكرة وإحلم بيها

إتخيلها دنيا جديدة

وإنت أميرها ....

أو قمراية وسط نجومها

بتتأملهــــــــا ....

إتخيلها وردة ف حضنك

شم عبيرها .....

ولا ف قلبك .....

صورة لطفلة تزغزغ جرحك

تبكى وتضحك ....

وإن شداك الضحكة تعيدها

وتلفت روحك .....

علشان تنسى وتتشدلها

إتخيلها شمس ورامية

خيوطها الدهبى .....

عقد مطرز من أشواقها

فوق أحلامك .....

بيلونهــــــــا .....

إتخيلها زى ماتعوزها

بس إتأنى .....

وإنت بتفتح عينك تانى

ع الدنيا دى....

وإعرف إنك كنت بتحلم .

شكرا كثير على الموضوع
ومرحبا بك معنا في اسرة التربية البيئية

شكرا كثير