بعد سنة :
مسرحية "حال البادية "
*الجزء الثاني *
أول مشهد في المسرحية :
الاب ' سلام 'نائم فجاة وادا به يحلم فيسمع صوت يدكره بأعضاء الجمعية وهم يقولون :
سمير : الكيف السي سلام لازم تقطعو الزراعة ديالة
حسناء: الكيف السي سلام الدولة كتبدل كل المجهود ديالة بش تقطع
سمير : الكيف السي سلام ضرر كبير هزين حملو نثوما
حسناء : الكيف السي سلام هي لي خرجت عليكم وعلى وليدتكم
سمير: الكيف غدي دتقطع بغيتو ولا كرهتو
حسناء : لا لزراعة الكيف السي سلام
سمير : لا لزراعة الكيف السي سلام
حسناء : الكيف غدي تقطع
سمير : الكــــــــــــيف .....
حسناء : الكـــــــــــيف ....؟؟؟؟؟؟؟؟؟؟؟؟؟
هدا كله عبارة عن حلم مسجل بمؤثرات صوتية خاصة
يقوم السي سلام وهو مخلوع
سلام : بسم الله الرحمان الرحيم ......؟؟
هد الشي كامل غير حلامة ارى الماء
هد الشي كامل غ حلامة فاي الماء
هد الشي كامل غ حلامة ارى الماء
" بعد لحضة " وووووااالسعدية ؟؟؟؟؟
السعدية : هاو هاووو ' تقولها خارج الخشبة في الكوالس '
سلام : بديت دنبح المرة شبعت الدرة وانا شبعت الحكرة . والله يخليها ماركة .
السعدية : انا الراجل ماجة . ننعطي عالتبن للحمار هاو هنا ليوتر . والله يعطيني الصبر .
سلام : والله يعطيني الصبر معك انا كيف علاين دحمقني . وانا ننقول صحابي لي مزوجين علاش صيفطوهم ' لميروكة '
" ثم يجلس "
السعدية : هانا شخصك شدقولي
سلام : انا الراجل ديالك ياك ؟؟؟
السعدية : اااااااااان...
سلام : وعزيز عليك ياك
السعدية : ااااااااااههه
سلام : ومشي جيبلي نفطر !!!! "حركة سريعة ومفاجاة للسعدية وبصوت مرتفع "
السعدية : الله يا سلام طيارتني فالسما خصك عا دفطر . هاك البيطات هاك الخبزة هالزيت هالزيتون
سلام : ااهه شحال عطتني دالبيطات , وشحال دالخبز " يقولها بصوت مضغوط عليه "
السعدية : والناس اسلام لينوضو يفطرو مع ولادم فالصباح مشي نتينا نايض حتى للظهر وخصك دفطر
سلام : عاود شنو قولت , داب عالله الوحدة ونص دالهار وددقل نضت معطل والرجال اخرين الي كينوضو مور العصر سعو نقولولم نوضتو معطلين عاود اهههههه...
السعدية : وهادمك غير الشقيفية والسبيسية والجوانطية فحالك المخمور دسيادك .
سلام : العيلة . الطفلة . اااالسعدية شد الكلام بديت نسمع مكتشي كدرد عليا الجواب اولا توحشت لشي هلكة دالزلاط
السعدية : وهنتي بديت اسلام ددبرجغ فالهضرة
سلام : اودي هو لابس لي زوجت دك بنتي حليمة مخليتاشي هنايا حداك كراك كليت غير بالتلاغجين ديالك
عليها بش كث ددقول خصك دزوجة بمهند دالشار بش دخليها حداك
وحوو فيك انا زوجت للمقدم نغنوغ
السعدية : وقيت الرباح دابا
سلام : ا واقي شغلك انتي ليعجبك دجماع بالي
السعدية : وانا ننقيه " بصوت عالي "
سلام : هاي هاي هاي شد التعلي دالصوت
واجي جمع هد الطابلة بشم بشم بشم منقي والو " شوف فيا نشوف فيك "
سلام : وشوف فيا شوف تقزدرتي رجع فيك عالصناطح " ثم ياخد سبسي ويجلس والسعدية تجمع مابقي من فطور زوجها سلام وهي دات مزاج عصبي "
السعدية : ايه يودي يالرجل دالريح
سلام : معايا نتينا
السعدية : لاء مشي معاك مع راسي
سلام : وكانتي داب عندك الراس
السعدية : لاء اودي بلا به
سلام : واحسن
اجي بلحاق نصقصيك العيال فينوما مشرتمشي لينطرجو هنا
السعدية : والمحمد مش للغرصة " دهجام " ينقي الدكر دالكيف داب وهو جا
سلام : هادك عويج اعويج عندو عيقي شي روينة فداك الغرصة
السعدية : والعياشي مش للمدرسة يقر هو تعطل هد العطلة كاملة وباقي مجاشي
سلام : هادك مش يشغلك فيه بعداك الى قولت ليقر ليقر ومش يكون هو الدكتور دالدار ان شاء الله
" بعد لحضة من الوقت"
المحمد : يسلم على ابيه وامه
الله على تامرة عندكم في الغرصة يالوالد ناقيت الكيف دالغرصة هد النهار كاملة لانثة قلعت يماها والدكار خليت ولديه
سلام : شقيت اود الحرام لانثة قلاعت والدكر خليتو
مقتلكشي المرة هد المصخوط عويج وقلب شقى مش نقى لانثى والدكر خلاه وحنى داك لانثى هي لي عنى الغارث فيها الله ينعل الطاسيلا دولدك
السعدية : والقران مولاها اللراجل
سلام : سير بشم ننطحيماك
المحمد : ونطحة نطحة الساح
السعدية : لا والاو الراجل
سلام : امشي غبر القمقم ديالك عليا بشم نصرطاح يماك ياله
" يخرج المحمد بسرعة "
سلام : خرجت على الغرصة دالكيف المصخوط خرجت عليا خرجت عليا
السعدية : لاوه دخل عليك هو مشي خروج عليك
سلام : خرج عليا ود الحرام خرج عليا
" وهو يضرب في رجليه ووجهه "
- بعد لحضة صغيرة من الوقت يدخل الابن العياشي -
العياشي : يما " يسلم على امه " ثم ينظر الى ابيه
شعندو باب ليفيفري " ثم يدهب ليسلم على ابيه "
عندو يكون ايمة ضربو الضاو
السعدية : هداك ضربو خاك المحمد بوحد الجاو الهضريوات دبعاد
العياشي : عليها بش تلقيت فالباب دالدار خارج فحال التركتور هو قولي الوالد رنكرو بشي طارشة
السعدية : اودي الا خرج البابك على وحد الغرصة دالكيف رالين
" ينهض سلام بسرعة ثم يقترب بابنه امام الخشبة "
سلام : داب نتينا ابني عدكون هو الدكتور دالدار
العياشي : اييييييييه الوالد
سلام : عطيتك ابني الدبنة دالكيف دنقيها واش مشدنقيها من الدكر ولا من لانثة
العياشي : وساهلة الوالد وحنا ولاد الجبل زاعمة ومنعرفوشي
عنقوها اباب من لانثة ونخلو الدكر
سلام : شكيف .... " يضرب ابنه حتى وبسرعة "
مسقيين من مغروف واحد انتي وياه الله ينعل الطاسمة دبابك
العياشي : اه على ضربة . الوالد شعلالو البولة حمرة هد النهار
السعدية : سير هو مشي يجي يكمل على والدك
" ثم يخرج العياشي بسرعة "
سلام : الناس ولدت العيال فتحين البلالط دعينم وانا ولدت الكسيبة
اولا ياك السعدية ؟
السعدية : وشبو ليلك ااااسلام
سلام : شكيف عاود شبو ليلي
السعدية : وااااايييه
سلام : وعلاش مدقلشي شبو ليلك نتي القردة "هزلية "
السعدية : انا القردة ......؟؟؟ الى كنت انا القردة انتي شنو قنجوع
سلام : اقاف بعد انوض فحالي انتي خصك دتعاير هد النهار
بعد نمشي نضرب شي دورة فالشار نشوف شلا يرج فيه. حسن منبقى حداك هنا
" ثم يخرج سلام الى الخارج "
السعدية: والله يقطع الرجال فحال هادم فيم كانو . لينض حتى ميبقى وقت ويفطر ويشبر فيدو دك مقور دالسبسي ويكلس " انفخ يما دنفخ " 3 وعينبشو شي واحد ينض فيه فحال الجرو
اودي هي هد المصيبة دهد الكيف هي لفشت الرجال علينا
" تتقدم السعدية وسط الخشبة "
السعدية : يا رب وعطي لولدها هد الكيف قطعة . يارب وجعل هد المخزن يجي يحرق والدها اليوما ويهنينا من تامرة ديالة ويهبط بعد النفخ دهد الرجال وولادم
" طرقات على الباب "
السعدية : شكون شكون شكون ؟؟؟؟؟؟؟
" ثم تدهب لتفتح الباب "
المقدم : اهلا بالخثنة كيف نتين لاباس اصحيحاشي مع راسك
السعدية : وميمننشوفشي الكمارة ديالك لابس يودي يالمقدم نغنوغ لابس والحمد لله
المقدم : وبقى السعدية انتي هي هي متغير فيك والو وخ زوجت ببنتك
السعدية : في بنتي فين فيهي فيني فيني فيني ؟؟؟؟؟؟؟؟
" تطير في المقدم بهده الكلمات "
المقدم : هي داخلة هاهي هاهي ...
حليمة : ااااههلا بيمة العزيزة
السعدية : اييه يبنتي وكيف نتي
" تدخل حليمة وفي يدها ابنها الصغير تدهب السعدية لتسلم على ابنتها حليمة بينما حليمة تجنبت بالصغير الى ابيه لكي لاتعنفها بسلامها الحار"
حليمة : وكيف نتي ايمة لاباس
السعدية : لابس ابنتي الحمد الله
" سلام حار وعناق فكاهي بينم المقدم يرقص بابنه "
السعدية : وكيف مشى ابنتي مع هد المصخوط
المقدم : المسخوطة هي نتي
حليمة : ومنكدبشي عليك ايمة هدا هو مهند دالشار لي كان خصني
السعدية : امشي امشي كلس معاه رافي " بصوت عصبي "
حليمة : اقاف اقاف ايمة نعونك فالكوزينة
السعدية : لاء عامشي دكلس
" تدهب حليمة لتجلس قرب زوجها المقدم لطيفو "
السعدية : ما جابو فيدم والو ليعرفو يجو عالبلقماقم ديالم " تقولها بصوت ضعيف وناقص "
حليمة : معايا نتي ايمة
السعدية : لاءما قولت والو
المقدم لطيفو : الخثنة االخثنة والخثنة " الاخيرة بصوت مرتفع "
السعدية : انعم شدقول
المقدم لطيفو : وحد الخثن ديالي في مش مليبنليشي هنايافينو يكما جريت عليه
السعدية: مش يضرب شي دورة فالشارهو بيجي دابا" بعد لحضة "
لطيفو : حليمة اااحليمة حليمة ؟؟؟؟؟...
حليمة : ااانعم الطيفو شكاين
لطيفو : كمصمكيين نتي وهد يماك مبقيتوشي دسمعو
حليمة : هاااانا شدقول
لطيفو : دك خوتك لي عطينهم الصخرة فالطريق تعطلو ليبنو اولا
حليمة : شمن صخرة الطيفو " تقولها وهي مستغربة "
لطيفو :وداك جاو الصيكن نسيتم ولا
حليمة : اااه راهم ماجن ليبقو يلعبو واها مع الطريق
" بعد هنيهة من الوقت يدخل العياشي وهو يجر صاك ثقيل "
العياشي : الله يا ختي شد تامرة كت لدسلني هد الثقال كامل . طرالي الحسير ديالي
السعدية : اراه لهنا راه عامر غير بمطيشة جابتنا ختك لله يرضي عليها
" تبحث السعدية في الكيس في مشهد فكاهي "
حليمة : ايمة ما فيه والو عالحوايج دالعايل
السعدية : او هدا الرباح
" بعد هنيهة يدخل المحمد وهو يجر كيس اخر ثقيل "
المحمد : الحسير ديالي اطهري ارجلي ايدي الله يعطيك يا ختي الثقل كما حصلتو فينا حنايا " ثم يقوم بحركة فكاهية يمسح بها عرق جبينه امام الخشبة "
السعدية : اراه لهنا عو ثاني نشوف كا فيه شي خضرة
" تبحث السعدية في الكيس الثاني في مشهد فكاهي "
حليمة : ايمة حتى هادك مافيه والو عا الحوايج ديالي ودالرجل
السعدية : وشلا شلالق جيبتو ابنتي
لطيفو : او ماهم عالحوايج السعدية " يبدا في الشقوفة وبعد لحضة ينام "
المحمد : ايمة ختي كمجا مخيمة
السعدية : شقووووولت
المحمد : والو والو
العياشي : ايمة ختي كمشدكوز الكوجي ديالة هنايا هيا وراجلة
السعدية : شقوووولت العا
العياشي : والو والو ....
المحمد : اختي ارى نشوف هد العايل لي ولدت من دابا ماريثو
العياشي : حتى انى من دابا ما شوفتو
حليمة : هاك اخاي بعد درتحوني منو
المحمد : اختي وشنو سميتو بعد
حليمة: مسمي حديفة
المحمد : شنو * الحوثة جيفة * اقبيط اقبيط اخاي
حليمة : وحديفة مالك ونك مغلوقين " بصوت عالي "
" تمشي حليمة لتساعد امها في المطبخ بينما المحمد والعياشي يقتربان بالطفل امام الخشبة "
المحمد : شوف اخاي هد العايل معندوشي السنان عامل فحل الشرشبيل
العياشي : وهيد كنت نتينا . اقاف قال معندوشي السنان هما هاهما ملدشوفمشي
المحمد : آه ولله الى عندو السنان
اختي اختي حليمة . هد العايل خلاقلك بالسنان ياك ؟؟؟؟
حليمة : هنتي مش دبطلو اخاي اسكوت
المحمد : انبطلو ؟؟؟؟... انبطلو اخاي هو زعم نرجعو الباطل ياك
العياشي : اييييه .... ؟ اختي اختي شعند عينو مجدودة يكما خلق عور . وبباه عامنغنغ وصافي مشي عور ..
حليمة : خيلاه حطو داك العايل هنتوم مش دكبسوه
المحمد : كيفاش زعم نكبسوه اخاي ؟؟؟؟؟
العياشي : زعم نرجعوه فحل الحجرة
المحمد : آآ آآه
ايمة هد العايل عندو الفناطز فحال الجرو دالعايل دعمي قويدر
السعدية : حط ابني حط ابني هد العايل من يدك عندكم دعينوه
" تهز الطفل من يد المحمد وتحطه في الفراش فيتركون امهم حتى تدهب الى المطبخ ويحملون الطفل مرة اخرى ويلعبون به لعبة من يدي ليدك وسط الخشبة دون ان يراهم احد "
لطيفو : حليمة .... يقولهبصوت منغنغ وهو يحلم
المحمد :خاف فدهش واسقط الطفل من يده فبدء الطفل يبكي
لطيفو : الله يبني شمالك طوللك الفراقش حتى وصلتي لهنا
" ثم يدهب الى الطفل امه وابوه معا"
حليمة : الله يابني وقصحت
السعدية : انا اولاد الحرام نعاست العايل تما مشي نتوما بش نتوما صيبتوه رالين وكلستو
لطيفو : هايدك قولي الفعايل ديالكم .ابو بلالط
المحمد : وصافي النسيب مشي عو عطينك اختي ومشدبدا دزبل
لطيفو : خير دابا انا ننزبل قول
" فجاة يدخل اب المنزل سلام الكل جالس لطيفو مع حليمة وابنها محمد مع العياشي. والسعدية في المطبخ لازالت تحضر الطعام "
سلام : السلام عليكم المرة . ووجد هد الغدا ولا باقي
السعدية : هانا ننقيه الراجل
سلام : وهد العطلة كاملة كددقي زامبو . اولا بودن .
السعدية : هي هي " ضحك " لاواه العسيدة هي
" تفاجئ الاب سلام في الجالسين في منزله "
سلام : العيلة وهي الدار عامرة شكونوم هادم
حليمة : اهلا بابا وكيف نتينا اصحيحشي شويا
سلام : كبنتي هدي " تسلم على ابيها "
حليمة : وييه ابابا هي نهي
سلام : وكمبقيتشي دعرافني ابنتي وانا عييت منجمع مع يماك . او دابا عاد شفتني . الزواج ابنتي لينسي فالواليدين
حليمة : لا ابابا حش دقول هد الكلام حنا منسينكشي جينا لعندك انا ولطيفو
سلام : كيف ابنتي انتي ولطيفو ...؟؟؟ لا والو الزواج ملينسيشي فالوالدين شكون قال هد الهضرة
لطيفو : اهلا بالخثن لابس عليك " يكرر لاابس عليك ثلات مرات "
سلام : سحبلي هد لابس عليك شي واحد ليقولا من فوق ولا من برا
لطيفو : الاو الخثن سلام انا ننقولالك انا حداك فحل هطلر وعييت منصقصي عليك الختنة
سلام : وكيف نتينا بعد لاباس
لطيفو : وشي هام واها يودي يالخثن منادم ميليزوج ليثقال شويا
سلام : وحن ننعرفو بنادم ميليزوج ليخفف مشي ليتقل ونتي ثقلتي ؟؟؟ ...
لطيفو : تقلنا زعم عملنا وحد بيبي
سلام : وكعملت المقدم الفاروج لاش عملت بيبي
المحمد : وكزيدت معاه حتى شي عتوقة
العياشي : وقولوا بابا يعملي انا شي ميانة
لطيفو : اودي نتوما كاملكم مفهمتونيشي بيبي بالفرنطزوية هو العايل ستيتو عد خلق
سلام : وكادابا نتينا عندك العايل
لطيفو : آآآه يودي يالخثن . هو لي مش يقولك جدي
سلام : اراه بعد نشوفو حتى السابع ديالو محضرتوشي
حليمة : هاك ابابا هاك
سلام : الله الله الله ... على حلاوة على سكر
الله الله شد بجو ستيتو
وقولي جدي قولي قولي ايواجدي قولي جدي
شعندو ابنتي هد العايل مليهضرشي حتى جدي ميقولاليشي
حليمة : آببو هو باقي عالله خلق عندو شهر هو بيهضر كيف قيتلا ابابا
السعدية : الله والدطمس فهد الراجل
سلام : وعلاش نتوما ميخلاقتو من شهر بديتو دهضرو كملين انتي وخاك المحمد والعياشي كاملين بيكوم
المحمد : دابا ابابا انا ميكنت باقي بيبي من شهر بديت نهضر
سلام : انتي كيف خرجت ابني من البطن ديماك قلتنا ارى ناكل . والناس ليسبقو السلام وعليكم ونتي خلقت عينك عالفلمكلة
هيد كان السعدية ولا لا
السعدية : ايييه يا سلام هيد كان ميخلق مازكى ماوالو . قال ارى ناكل
" ضحك المحمد "
العياشي : وانا ثاني اباب من شهر بديت نهضر
سلام : انتي ابني عا سكت . كنت لدهضر سمانة عود سكت سمانة مريكل فحل الماكانة
" ضحك العياشي ويقوماني بحركة فكاهية هو واخوه "
سلام : الله يا ولاد الحرام نسيتونا حتى فالاخبار دالشار فالراديو
المحمد : الاخبار دالشار لي ليقولو ود المشكليطو دالشار ياك
سلام : اييه ابني شبر معاي هد الراديو
شبر نتي هد الترنة العياشي
" لوحة فكاهية لقبض اداعة الشار "
لطيفو : ارى بعد نضربو وحد الجاو الشقوفة من عندك بش نسمعو الخبر مزيان
سلام : امشي واها دنعس المقدم دالزمار نسيتنا حتى فالخبار
المحمد : اشعال ابابا
السعدية : وهامين الراجل ليشعلوه
" ثم يشتغل الراديو الكلب يستمع الى الرويدو من بعده كلام مخشخش ثم صوت صافي عبارة عن خبر الشار . الكل ينصت بنية حتى السعدية .. بعد الاستماع الى الاخبار "
حليمة : بابا ومصخوط هد ود المشكليطو ليعطي الخبار دالشار كامل
سلام : ومشي ابنتي فحال المقدم طالع هابط فالدباني ليسوتح ويدي الاخبار دالناس كاملين
حليمة : ويييه ابابا ييه
سلام :المقدم المقدم واش بصح هد الشي لي قال ود المشكليطو فالخبار
لطيفو : آآآآآه يودي يالخثن
سلام : الكيف مش يقطعوها ومش ندورو للايام اللولية انزرعو اللوبية فالدبنة السفلية
" وحنب رجلك معليا ابني يقولها للعياشي "
المحمد : لاو ابابا ولله منخليهم يقطعوها انا هو الصحيح دالشار
سلام : انت عد مشدخليهمشي يقطعوهات ونتي قطعتنا غرسة دالكيف . كي يقطع لبابك اللسان. لاء ليماك بلحاق
قول المقدم كدبصح هد الشي لي قال ود المشكليطو
لطيفو : وهد الشي دبصح الخثن والكيف مش يقطعوها وقريبين ان شاء الله
سلام : لا دقولشي العجيب
العياشي : اوالله اباب حناقلنا الاستاد فالقيسم
المحمد : وانا قاللي ود حميدو زقزوق ميكنت ننلعب معاه الفنتور
حليمة : حتى انا سمعت ليقولو مش يقطعوها اباب
السعدية : وانا تاني الراجل سمعتم
لطيفو : انتوما عاسمعتو انا جاني نداء من العاملة انة لي زرع الكيف عايظلم راسو
سلام : وهد الشي كامل فراسك الراجل دبنتي ومقلتاليشي
لطيفو : الخثن ولله يجيبك على خير هو انا المقدم دالشار وننزرع الكيف شد خور بعد اسلام
سلام: وولله دبللهومشو تقطعونا الكيف هد العام حتى نصيفط والديكم رالين لدك القبة دالجبل عند خوتكم القرودة
انا عندي م ناكل انا والمرة ونتوما محسوبين عليا ميدكون الكيف
انتوما اولادي مشي انا رابيتكم الفلوس دالكيف ربوكم
حليمة : وعليها بش دخلتني ابابا بهدك الفلوس للمدرسة بعد نقر
سلام : مدقراتشي حسن ابنتي مشد تعلم عالصناطح والعوج فحل خوتك ملدشوفمشي ليقرو باللوري مكاين عالمشريان
او على الله ميقطعوشي هد الكيف هد الدريويشة اولادي بعد ننكلو منا
السعدية : ياربي ياربي ياربي وعطي للطاسيلا دولديه قطعة لدكوز علينا عا تامرة والكداكة
" تقولها وههي رافعة الى السماء . صوت مروحية مفاجئ ومرعب ورهيب "
سلام : الله ياولادي وشنو هد المصيبة كيزة فوق منا ؟
السعدية : الله ياولادي وتخبعو هدا الجبل طايح علينا
" الكل ينبحط وينبسط ارضا الا المقدم وبعد لحضة"
سلام : الله يالمقدم لدتفرج علينا . شنو هد المصيبة كزتنا فوق الدار
لطيفو : هدي اسلام الكبطير دالمخزن بحالي
سلام : وشجاو يقونا فوق الدار او فالشار
لطيفو : وما نعرف الخثن
سلام : ونتي زعم المقدم دالشارالدبانة خصك مدزهقاشي
لطيفو : الخثن الخثن انا ميزوجت ابنتك مبقيت عارف شيدر فالشار . حتى العاوز ديالي لي مزوج بهام عرفت لا ماتت ولا باقا حيا
حليمة : العويزة انساها مزوج بيك دابا حليمة بنت سلام
سلام : نوض العايل نوض شوف شيدر فالشار نوض
المحمد : لاو ابابا لاو انا ليجيني الخوف
" يقولها وهو مطوي ومتكعمش على ركبتيه "
سلام : وانتي قولت هو الصحيح دالشار نوض اودي
المحمد : ماشي انا العياشي
سلام : نوض اود\ الحرام الله ينعل والدك
" ثم يقلبه فيخرج المحمد وهو خوفان "
السعدية : نوض ابني تبع خاك شوفو شكاين فالشار
العياشي : خليني ايمة انا ننخف دابااطح عليا هد الكبطير ودفرعلي القبة ديالي
" يقولها وهو متكعمش على ركبتيه من الخوف "
السعدية: نوض ابني يهديك الله الكبطير مشات
العياشي : وخليني ايمة انا ننخف
سلام : نوض اود الحرام تبع خاك او خصكم نخرج انا
" فيخرج العياشي بسرعة "
سلام : ايييه يالمقدم قولي هد الكبطير دالمخزن . وشمش يكونو جاو يقو الساح
السعدية : هادم واقيلا جاو يقبطو شي واحد فالشار ايكونو صطاملا فعينا
حليما : اودي ايمة هادم جو يتسارو فالشار دينا عدك المرة بينوه فالترفزة
لطيفو : والو . ملدعرفو حتى الخيال . هادم جاو يتركو الدنيا هنايا
الكل : كيفاش؟؟؟؟؟؟؟؟؟
" يدخل المحمد وهو يبكي "
المحمد : ابابا ابابا حرقوها حرقوها " حركة فكاهية يرقص مثلا "
سلام : اش حرقو ابني
المحمد : هي هي... آآآآآآآآآننننن " البكاء "
سلام : وشني ابني اهضر دغي اهضر
المحمد : الدريويشة الحشيشة لي كندخلو موراها الفلوس بالكميشة
سلام : انعام العايل شقووولت
المحمد : حرقونا الغرسة والدباني التحتيين كاملين بالكبطير ابابا
سلام : لالالالالا هادك عا عينك مبقيتشي دشوف بيهم مزيان وصافي المحمد : ولله مكنكدب عليك ابابا انا ننهضر دبصح
سلام : العايل هد الشي لي لدقول الخطر منو
المحمد : ولله العاظيم ابابا ابابا الى حرقوها
السعدية : او صافي ابني تياقناك
حليمة : صافي ابابا هدي مدكون عدبصح
المحمد : مش كلشي ابابا
السعدية : والقران مولاها ملكم نتوما مشطونينن وهد الوعد
" العياشي يدخل وهو يلهث من كترة الجري والخوف "
العياشي : لدطلق السم ابابا
لطيفو : اقاف بعد نشوف شلى يدر فالشار الى كان هد الشي صحيح انا اللولي مش يبدو فيا بالداق
حليمة : لا الراجل مدمشيشي
لطيفو : ايهيا منمشيشي يود هو انا هو السلطة دالشار انا المخزن
حليمة : وسيؤ الراجل يطبلوك بالداق
" ما زال العياشي يلهث "
سلام : شنو لدطلق السم ابني
العياشي :ابابا طا طا طا طا طري طاو طاو طوطري
سلام : شنو اولادي هد طا طا طاي طراي
العياشي : الكيطير ابابا . رشت السم على الكيف دالشاركامل
حرقت وجبت بالكاو كاملة
" بكاء السي سلام "
سلام : الله شكوتو لدسلونا الله ورزيتونا الله وشدسلونا فعام ادتامرة
" بكاء العياشي ومحمد معا "
المحمد : آآآآآآآآآآننننن ؟؟؟؟؟؟؟؟ " البكاء "
العياشي : آآآآآآآآآآآ ننننننن ؟؟؟؟؟؟ " البكاء "
" بكاء العياشي ومحمد ابكى الاب ايضا "
السعدية : وصافي باراكا مدهرننو اتقبتولي راسي بالصداع ديالكم شي هاميم شي هامين
حليمة : ابابا دابا لي عطى الله عطاه
الكيف تحرقات علاش ددبكو دابا علاش
المحمد :اودي انتي ملدعراف والو ددجبروها عا واجدة حداكم
العياشي : حنى الرجال لي كنحصلو فتمالرة ديالة دبصح السقاية
المحمد : والتنقي
العياشي : والتقطيع
المحمد : والحرث
العياشي : والبيع والشرى
احليمة : والزمرة . احنى مننقو والو عانتوما بوحدكوم معت شكون لي نقلالكم من الخلى
" كل هد الحوار بالبكاء "
" ثم يخرج محمد وهو يبكي ويتبعه اخوه العياشي "
السعدية : شعندكوم حنطزتو قطعولكم الحشيشة
حليمة : مشات الدريويشة ايمة
السعدية : الله على رحمة يابنتي تهنينا من تامارة ديالة
" سلام مازالا يبكي وهو جالس "
حليمة : ايمة انا مش هالين عند الجارة ديانا
السعدية : عند بن ابنتي
حليمة : عند بنت المشكليطو هدك هي لي عند الخبار دالشار معوطا
السعدية : وسير ابنتي الله يرضي عليك 3 وعمدتعطلشي
" بعد هنيهة صغيرة من الوقت"
السعدية : تغني * ايلي ييلي . ايلي ييلي . ايلي ييلي الكيف دينا قطعوها . جابو الكبطير حرقوها . ايلي ييلي . ايلي ييلي الكيف دينا تركوها . تركوها وحرقوها والفررج بشبلوها . ايلي ييلي الكيف دينا قطعوها ......... *
" سلام مازال يبكي "
" دخول العياشي والمحمد معا فجاة "
المحمد والعياشي: ابابو ابابو حتى المخزنية جو شي ليعشب شي ليوطي والكيف اباب من هد العام لقيناها
" ثم يخرجان معا يبقى سلام والسعدية وحدهم على الخشبة لندخل في مشهد مبكي مع موسيقى حزينة "
سلام :وهو يبكي : لآلآلآلآلآ...ميمكنشي يحرقولي الكيف ديلي ميمكنشي يتركولي الكيف ديالي .. لآلآلآلآ ميمكنش ميمكنش ميمكنش يرزوني فاطنان دلنكري وتامرة وجهدي وصحتي . واش عندي الحق السعدية ولا معنديش
السعدية : عندك الحق الراجل ولاكن دابا لي عطى الله عطاه
سلام : بش غنعيش راسي وولادي .وشمن عيش بقالي فهد البلاد
بلا كيف ضاع المستقبل دينا السعدية مشينا مع الزبل
" ثم يبكي ويبكي ويبكي حتى السعدية تاثرت من بكاء زوجها فبدات بدورها تبكي . بعد لحضة تدخل حليمة وهي تقول "
حليمة: لا حول ولا قوة الا بالله العلي العظيم . شد الغزبة هدي .مع الناس كلشي ليبكي فالشار
" يدخل من ورائها زوجها لطيفو وهو يقول : "
لطيفو : ايمة طهري الحسير ديالي ارجلي ايدي
حليمة: شعندك الرجل مقتلكشي مش يطبلوك
لطيفو : حيد يدك حيد يدك مني الحسير ديالي ايمة
حليمة: وعاقولي الراجل شنو عندك
لطيفو : خصك عد عرف شعندي .ايمة طهري ايمة . وحد لهام دوحد الظابط دالعسكر قالي وريني الطريق بش يحرقو شي دباني دالكيف . ومي وريتالو كعبو عليا الجماعة كاملين وطلقوهالي بالمقوق والزلاط . ايمة رجلي ايدي .....
سلام : صافي دكدكو والدك المعقول انتي السباب فهد الشي كامل
لطيفو : لاء انتي السباب لي كدزرعة
سلام : لاء انتي جيبت المخزن
لطيفو : لاء انتي السباب
سلام : لاء والله الى انتينا المقدم
العياشي والمحمد : زيدو زيدو الدار داركم مرحب بيكم عندنا زيدو زيدو
لطيفو : هاهم اسلام اقتل اقتل ولله الى هما
" يدهب سلام لياتي بالعصا ويتجه نحو سمير وحسناء اعضاء من الجمعية اللدان يختبيئان وراء المحمد والعياشي "
سلام : في اغنية : فينوما فينوم المقدم فينوما
المحمد : ابابا ويا بابا ولله ما هاداما
السعدية : الراجل الراجل كن دحشم شويا
حليمة : ابابا ويا بابا نضيفوهم عشية
سلام : اولادي شكونوما شكونوما هادوما
العياشي : هاداما الجمعية
المحمد : هاداما الجمعية
" بعد لحضة "
سمير : الله يا السي سلام مشدتلاقانا بالداق
حسناء : كمبقيتشي عاقل علينا السي سلام . حنا زعم سبقنا جينا عاندكم
سلام : حلاي جيتو عندي
سمير : جينا عندك لهنا وشركنا الطعام مع بعضيتنا . او نسيت السي سلام
السعدية : آآآآآآه دبعد افتكرتكم هادام هما داك لهام اداك الجمعية لي كانو جاو عنا عمنول بش كانو ليقولونا مدزرعوشي الكيف ومدقوشي معت شنو وزيد وزيد
سلام : كنتوما هما قولا اصحبي مالصباح
" ثم يسلم عليه سلام . سلام جبلي عنيف "
سلام : اهلا بنتي وكيف نتي " يسلم على حسناء "
" الكل يسلم عليهم بطيرقته الخاصة وممكن اضافة أي مشهد هنا "
حليمة : كلسو كلسوه الين درتاحو
السعدية : لاء اجو لهنا تما معدبا
سلام : لاء نوضو من تما اجو هافين بش نجمعو
المقدم : اجو هافين قدامي الكلسة مرتاحة
حسناء : سلام وشنو هد الشي واش عدكلسونا ولا عدعدبونا
سمير: هدا الشغول دالكنتا عملتونا
المحمد : بابا ابابا انجبلم ايشربو
سلام : جيبلم ابني
ألمحمد : اللبن
السعدية : فينو اود الحرام هد اللبن شوفتو باقي أسكوت
ألمحمد : راهو تحت اللورنية سحبلك انا مشوفتوشي ولله الى راهو
السعدية : اسكوت اود الحرام اسكوت
حسناء : ما خصنا لالبن لاوالو خصنا نرتاحو
" حركة فكاهية خفية للمحمد والسعدية "
العياشي : المعلم المعلم بشحال شريت هد الكابة
سمير : هدي اولدي مشريتاشي منهنا شريتا من سويسرا
العياشي : سمعت ابابا الناس ليشرو الحوايج ديالم من خنيفرة وانا حتى من لشاون مشريتمليشي
سلام : امشي اود الحرام دلس رافين را الشلالق موصيبافي الماريو
سمير : وكيف ماشين السي سلام مع هد الدوار
سلام : وها حنا ماشين ماجين فيه
حسناء : كاين شي فلاحة بعداك
سلام : الفلاحة والو هد العام كنا مفلحين الكيف هو قطعوهنا هد المخزن ديلكم
سمير : مقناهلكشي السي سلام . ياك قنالك الكيف شحال ما بقات غدي دتقطع
سلام : ويييه
حسناء : ياك قنالك الكيف راه غدي يقطعوها . ازرع اللى مشدزرع شي حاجة غيرة . وهانتي بقيت دابة لا كيف لاخضرة
المقدم : وشنقو . حن احرفتنا نقوها ماحنا منقوهاشي ما حنا . اللهم قناها وقطعوهنا
سمير : انتي المقدم وقيت الكيف
المقدم : وشنقي بزمني ؟؟؟؟ بش مشنعيش بجو البصاصط اللي ننشبروهم فالوضيفة
سلام : ايو الغالب الله شنقو
المقدم : بلحاق نسيت مقلتكومشي الناس دالجمعية انا زوجت ؟؟؟
حسناء : بصاح زوجت
المقدم : والله الى زوجت
سمير : وشكوني هد معواجة لي زوجت بيك ؟؟؟
سلام : معواجة معواجة " ثم ينهض الى سمير ليضربه مشهد فكاهي هو واولاده "
السعدية : حيدو حيدو خليواه ليلي نوريه كبنتي معواجة
حسناء : تنهض واقفة : شنو هد المهزلة السي سلام معواجة هي شيحاجة زوينة كنقص دبها
سمير : الله يا سلام وانا مقولت والو
المحمد : ولله حتى داكلا فطاهرك امعوج دبصح
سمير : حسناء نوض فحالنا هد الناس ما معهم ملاغة
حليمة : السو واها والله حتى دكلو معنا دابا عاد كلت الداق ودابا مشدكل الماكلة
حسناء : لاوالو منكلسو هنا حتى دقيقة
العياشي : لا ولله حتى دكلسو
المحمد : اكلسو واها و لله ولله مدمشي حتى نزيدو شي ماتش اخور " ثم يجلسان "
سلام : السعدية جبنا نتغدو وعمرن متغدنا فاللربعة دالعشية يالله طلق راسك داغيا
السعدية : صافي هاو طاب الراجل هاهو نجيبو
سلام : جيبو وليهالاه دغيا " ثم تاتي بالغداء "
حسناء : هد الشي لديد السعدية الله يعطيك الصاحة لدك اليدين لي صيبوه
السعدية : بصحتكوم عاكولو
المقدم : انا عندي الخثنة طيابة وبنت شبت ليلا
سمير : وهدي المرة التانية لي كنكلو معاكم السي سلام
سلام : ومي نهبط للمدينة نفديهلكم عو نجي ناكل معاكم فالدار . لدسكنو بجوج بعداك
سمير : كيفاش زعم
سلام : زعم كمزوجين
سمير : باقين عالله خاطبين السي سلام
المحمد : عليها بش عقلك مخطوف
السعدية : والله يكمل عليكم بيخر والله يجبلكم التيسير . زغرت زغرت زغرت ابنتي
حليمة : ولولولولولولولولولو
سلام : بنتتي زغرتت وانا عندعي معاكم وجدو راسكم اولادي
المقدم : استعد " بصوت عالي "
المحمد و العياشي معا : على استعداد
سلام : اللهم جيبلكم التيسير
الكل : آآآآآآآآمين
سلام : اللهم عطيهم شي خبزة مستورة ودكون تحت الباكورة الى حدانا فالشورا
الكل : آآآآآمين
سلام : اللهم عطيهم شي سكنة هالين حدانا فالدبنة
الكل : آآآآآآمين
سلام : اللهم عطي لحسناء كل مدتمنى قبل الدنيا مدفنا
الكل :آآآآآآآمين
سلام : اللهم عطي لسمير البندير ونجيه من قاع البير
الكل : آآآآآآآمين
السعدية : ويلى عطاك العاطي لدحفر لدواطي
سمير : ايوا كيفاش مدعيتو معنا السي سلام حتى حنى مغديشي ننسوكم جيبنالكم وحد المفاجئة
العياشي : المفاجعة ؟؟؟ شنو هي هد المفاجعة ؟ يكما شي كبا جديدة ولا شي سروال بنطليفو
المحمد : لاء اخاي وقيلا جابولي السروال دالهبهاب لي كنت وصيتم عليه
حسناء : لاء اولادي مشي هدي هي المفاجئة حنا جيبنالكم شي حاجة زايدة على هد الشي
سمير : ياك الكيف قطعوها السي سلام ؟؟؟
سلام : قطعوها " كانه يبكي "
حسناء : قطعوها الالة السعدية ؟
السعدية : قطعوها . الحمد لله هنونا من تامرة ديالة
حليمة : شي كوزت علينا الكيف مكوز علينا حتى واحد اختي حسناء
سمير : وبهد المناسبة انهم قطعولكم الكيف حنا جيبنالكم شي حاجة دغرسوها وحسن من الكيف
هدي مية شجرة ديال الزيتون
حسناء : وهدي مية شجرة ديال الخروب
سمير : وهدي مية شجرة ديال الكاوز
حسناء : وهدي مية شجرة ديال البرقوق
اوا اتبرعنا مع راسكم اودي يالسي سلام
سلام : فينوم هد الشجار هدام الوراق عطيتني
المحمد: ولله ميدوخو عليك ابابا هدامك الوراق
سمير : السي سلام هدك الوراق هم العدد دالشجار لي عطاتك الجمعية دينا
المقدم : دابا حنا الخثن مش نغرسو الشجرة ونبقو نستنوها خمسسنين بش دقينا الغلة
وفهد الخمسسنين شنكلو
حسناء : المقدم . وكلشي كيجي مع الصبر هد الخمسسنين قضو مع الماشية ديالكم وصافي
سلام : وشكون مش يغرس معايا هد الشجار ويسقيهم
سمير : الغراسة ديال الشجار حنى كجمعية غدي نعونوك . والسقية حاولو نتوما مع بعضيتكوم دتعونو عليها
" الكل يتعجب ويقول ولله الى هد الفهامة مزيانة "
حليمة : ولاكن هد الشجار ملي يعملو الغلة لمن غنبيعوها
حسناء : الغلة ديال الشجار مطلوبة بزاف نتوما غير تهلهو فالشجيرات
سلام : السعدية ولله الى هد الشي مزيان
السعدية : والله الى مزيان وعنرجعو حنى هما التاجرين دالشار
المحمد : دك الساعاك ابابا شريلي دك الطوموبيل لي اسما هوهور
العياشي : وانا ابابا شريلي الموطور دربعة الروايض
سلام : صافي اولادي سكتونا حنى باقي ماقينا فالطاجين مايتحرق
اضرب على يماها يودي يا سمير انا ولله حتى نغامر معاكم فهد الغراسة دهد الشجار
سمير : اسلام هد الشي خير ليك من شي موصيبة د شي كيف بعد ادخال فلوسك حلالين
حسناء : اغرس السي سلام الفدادن والارض ديالك . غير من موراها تولي بيخير
المقدم : غير الى رجعت تاجر الخثن جرني معاك مدخلينيشي منفوط
سمير : اوا الله يجعل البراكة
" تجمع السعدية ما بقي من الاكل "
" ممكن اضافة أي مشهد فكاهي اثناء الغداء " بعد لحضة
حسناء : ا والسي سلام حنى غدي نخلوكم دابا la prochain foi ان شاء الله
سمير : وغدي نبقو على اتصال معاكم السي سلام
سلام : اجي لهنا والله مدمشو حتى نغنو شي غنية مجموعين . انا كنت معصب ولاكن نتومافراحتوني يودي ياسمير الله يفرحك
المقدم : انا نغنيلك يودي يا سلام
سلام : اودي ملدعرافشي
المقدم : اسمع واها
العياشي : خليه ابابا نسمعو الغنى ديالو
المقدم : ايلي ييلي . ايلي ييلي .ايلي ييلي العرس ديالكم عجبني . جابنا الغياطين شي رققين شي غلاطين ايلي ييلي العرس ديالكم عجبني ...........
سلام : مزيونة هد الغنوية العايل والله الى بالله
حليمة : هدي ابابا لي حافط . ناعس ليغنيها فايق ليغنيها ليخدم ليغنيها صدعلي مخي بها
سلام : سمعو سمعو اولادي انا نغنيلكم ونتوما معايا يالله " اغنية بلحن هاهما جاو جاو "
هاهما جاو جاو . جاو الناس المبروكين
والحشيشة قطعوهنا
الكل : ولله الى قطعوهنا
سلام : والكويفة قطعوهنا
الكل : والله الى قطعوهنا
سلام : نسيتو الايام لولية
السعدية : عالمكلة داللوبية
الكل : غير حفن وراليا
المحمد : انتفخت بطني اشويا
الكل : انتفخت بطنو اشويا
سلام : كانو جاو جاو . وجابونا الباكستنا
الكل : جابونا الباكستنا
سلام : رجعت المرة مصنانا
ما قريا ما فنانة
سلام : هاهم جاو جاو . جاو الناس المبروكين
الكل : جاو الناس المبروكين
سلام : شجيرات غد مغروسين
الكل : غد يكونو مغروسين
الكل : هاهم جاو جاو . جاو جاو لحباب المولوعين
............................... وجبالة كلم حضرين
الشاون ومواليها . وتلاسمطان ومواليها
والكيف بايباي ليها ؟؟؟؟؟؟؟؟؟؟؟؟
الكل : باي باي ليها باي باي ليها
سلام : او نقدمو راسنا للجمهور
" مشهد فكاهي "
سلام : لاء مشي الريوس ديالكم . زعم ننقولكم التحية
******************************************
*****************************
*************
*****
**
*
"""""""" الــــــنــــــــــــهـــــايــــــــة """""""""
المسرحية من اعداد وتاليف : بلال خيرون [i][center]
