مسرحية: " صوت لجراح "
تقديم:
مسرحية " صوت لجراح " هي عبارة عن لوحة مسرحية صغيرة حزينة بموسيقى حزينة من البداية إلى النهاية تعالج وتطرح في مضمونها معانات الأطفال المتشردين أطفال الشارع وتظهر بوضوح أسباب تشردهم عن طريق ألحكي وفي النهاية تختم بلوحة فنية جامدة تطرح مجموعة من الأسئلة يستطيع ان يجيب عليها الجمهور.
" في البداية لوحة ميمية تمثل خيال ضل وراء ثوب ابيض ثبين مشاكل الاباء مع أبنائهم والتي تعتبر السبب الاول ليكونو ضحايا الشارع مع موسيقى حية "
الطفل الاول : انا معاق معاق عايش بوحدي فهد الدنيا حتى والدي سمحوا فيا . أنا معاق تايه وعايش فالزناقي ولا حد يفكر فيا اييه يفكر فيا يفكر فيا . كنسعى . كنسعى لقمة خبز بش نعيش .علاش علاش علاش ... ثم يصرخ ويبكي .
" تدخل بنت متشردة تشم سولوسيو في كيس بلاستيكي "
الطفلة الثانية : مشي غير نت بوحدك فهد الدنيا عندك مشاكيل . حتى انا حتى انا . انا والديا مقرونيش اييه مقرونييش بسباب مشاكيلهم جراو عليا من الدار وانا صغيرة صغيرة صغيرة وكنت ضحية الشارع حتى وليت فهد الحالة مكنسوا والو شمكارة شمكارة نهار ناكل ونهار بالجوع ..." فتسقط على ركبتيها "
" يدخل طفل في يده سيجارة مخدرة وهو يدخن "
الطفل الثالث : حتى انا حتى انا . انا طفل بلالوني صحابي بهد البليا الي دمرت حياتي وخرجت عليها والان وليت مدمن بها وبالمخدرات اييه مدمن ومنقدرش نقتلع عنا منقدارش . والسبب والديا مرقبونيش ومهتموش بيا وعطوني الفلوس الي بغيت حتى وليت ولد الشارع حشيشي مكيسوا والو. وصحابي. صحابي ولاذ السوق مزالين كيحصدو ضحايا . علاش علاش هد الشي علاش علاش علاش ...
" يدخل طفل اخر في يده زجاجة خمر وهو يشرب منها "
الطفل الرابع : انا انا انا عامر غارق مشاكيل . وهدي صحبتي اييه صحبتي . علاش . حيت كدنسيني فالمشاكيل وكتعيشني مرفوع طاير فالسما . مدمن بها رغم اني باقي صغير وسبابي مشاكل الدار . مشاكل الدار ابا مطلق امي وانا سمحوا فيا ورماوني . الشتا والبرد عليا وانا فالشارع عريان فين غدي نمشي فين فين ...
" تدخل طفلة قاصر بلباس خادمة في المنازل "
الطفلة الخامسة : مشي غير نتوم . مشي غير نتوم عندكوم مشاكيل . انا . انا خلقت فالشارع وتربيت فيه اييه تربيت وكبرت فيه . انا طفلة مغتصبة فحياتا . عشت حياة كلها حزن معمرني فرحت بشي عيد حيت معنديش عائلتي معنديش . وخا هكاك صبرت . صبرت . حتى عملت وحد المرة فيا خير . خدمتني عند فدارا . وخا تامارة صابرة . حيت كاين امال كاين امال ...
" تدخل طفلة بلباس ابيض أنيق "
الطفلة السادسة : كاين امال . كاين امال . كاين امال . كلكم ضحايا الشارع . ضحايا الشارع . ومازالين شباب في عمر الزهور . الطريق باقا طويلة اخوتي مازالة طويلة . كونو قويين ولتكونوش ضعاف . لتكونوش ضعاف . لتكونوش ضعاف ....
" تدخل طفلة بلباس ابيض أنيق "
الطفلة السابعة : لا تفقدو الأمل . فالآمال كبير عند الله تعالى لاتستسلمو . لاتستسلمو لأمر الواقع . كونو شجعان أقوياء دافع عن جسمك من الخبث . قفو . قفو . قفو وقفة رجل واحد رجل واحد واقتلعو عن هدا البلاء المخضر اقتلعو اقتلعو اقتلعو ....
" في هدا المشهد المؤثر يدخل ثلاث أولاد بأقنعة بيضاء في يدهم شمعة تضيء المكان فيشكلون بالشموع لوحة تعبر عن أمال أطفال الشوارع "
* الـــــــــــــنــــــهــــــــــــــــــــــــــايـــــــــــــة *
المسرحية من تأليف وإعداد : بلال خيرون
جديد 2010 حول معانات اطفال الشارع [strike]
