المنظمة المغربية للكشافة و المرشدات

فرع شفشاون
 
الرئيسيةالتسجيلدخولتسجيل دخول الاعضاء
فرع شفشاون - المنظمة المغربية للكشافة و المرشدات

شاطر | 
 

 مجموعة امثال مغربية رااااااااااااائعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
jango
عضو قائد
عضو قائد
avatar

ذكر
الابراج : العذراء
النمر
عدد المساهمات : 2727
نقط : 10828
تاريخ الميلاد : 20/09/1986
تاريخ التسجيل : 01/09/2009
العمر : 31
العمل/الترفيه : الانشطة الجماعية

مُساهمةموضوع: مجموعة امثال مغربية رااااااااااااائعة   الثلاثاء يونيو 22, 2010 6:46 am

· قلب البرمة على فمها, تطلع البنت لمها.
· الله يرحم من زار و خفف.
· الي وصل بلاد غير بلادو خل الهم لولادو.
· كون كان الخوخ تايداوي كون داوى راسو.
· الفقيه دحمان, قرا البرة سبع ايام, و قاليهم الخط عيان.
· مية تخميمة و تخميمة ولا ضربة بمقص.
· الحر بالغمزة و العبد بالدبزة.
· اللي ما جا بالمحبة مايجي بحزارة.
· ضربني و بكى, سبقني و شكى.
· الدجاجة غسلات رجليها نسات ماداز عليها.
· إلى مشى الزين ابقاو حروفو.
· اللي دارها بديه افكها بسنيه.
· اللي ماقدو الفيل, زيدوه فيلة.
· ما تيحس بالمزود غير اللي مضروب به.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· شوف بيتو, وخطب بنتو.
· جا اطبو عماه.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· اللي خلى غذاتو لعشاتو, ما شفع ذاتو.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· عيبك أولية ربيه ليا.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غبر باللي فيه.
· اللي عضو الحنش, تيخاف من الحبل.
· النمل الى بغى يعذبو الله, تيدير ليه الجناح.
· اللي جا على المناول سدة, و اللي جا على الغذا تغذى.
· فالمقلة و تيحنزز.
· المندبة كبيرة و الميت فار.
· الدار دار بونا, وعبيد بانا اطردونا.
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· عيات موت الحمق ما تعض فشاربها, قاليها من جهتي غير قطعيه.
· علاش عطيتي ميتين يعطي لباك كيتين, لا خد حمر لا سوالف ملوية.
· لالا زينة و زادها نور الحمام.
· تيبيع القرد و تيضحك على اللي شراه.
· ما حد ليتيمة تتبكي, و ربي تيزيدها.
· اللي بغى الزين, يصبر لتقيب لودنين.
· ما عند القرعة ما ترعى من غير مشيط راسها.
· كون تصحابها تكتاب, من دق الباب.
· شكارت العروسة مها, خالتها و الحزارة جارتها.
· عطاونا ثلث كواش, منهم غطا و كواش.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى مات الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· دخل ياكل الفريك أصبح معانا شريك..
· اخدم يا صغري على كبري..
· اخدم بكري ولا روح تكري.
· خبز الدار ياكلو البراني.
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
· الزين, الا زين الفعال.
· وجه الشارفة ما يخفى, ولو تحكو بالحلفة.
· اللي مدت يدها للحنة, تمدها كلها.
· الزين في بناتنا سلالة, من العمة للخالة.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا قي النخالة ينقبوه الدجاج.
· مبعيدة غير تادلة اما سبع حمير موجودة.
· لي ضروا رسوا, اعاود لرسوا.
· الكلب الى ما نبح ماعند مولاه فيه ربح.
· حزموني ورزموني ولا تعولو عليا.
· الى تقادو لكتاف يعود الكبير يخاف.
· اللي تيشطح ما تيغطيش وجهو.
*
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.
*
حتى زين ما خطاتو لولا.
*
العتبة مجرودة والركاني بالدودة.
*
لو كان الحمام تيبيض كون بيض قبابو.
*
الزين تيحشم على زينو والخايب الا هداه الله.
*
اللي تسحر مع البعالك يصبح فاطر.
- النواض (لفياقة) بكري بالذهب مشري.
- لحوانت متصافه و الارزاق مختلفة .
- باش تاكل الشوك أ عمي الجمل, باللسان لحلو.
- لعروسه فوق الكرسي معرفتي فين ترسي.
- لوجه المشروك عمر ما يصف.
- الجديد جديد و لبالي لا تفرط فيه.
- دير ما دار جارك ولا حول باب دارك.

- الدوام يثقب الرخام.
- الخُبْز والمَا مَا تْخَلِّي عَلَى القَلْبْ غمَّه.
- دارنا ساترة عوارنا.
- السلطان بالتاج و كيحتاج.
- اللي عضو الحنش كيخاف من الحبل.
- ختار الجار قبل الدار.
- - اللي قال ليك قال عليك.
- جا يكحلها عماها.
- على قد لحافك مد رجليك.
- عين بنادم مايعمرها غي التراب.
- سال المجرب ماتسال الطبيب.
- شكون يحك القرع غي ظفارو.
- عشرة د ليهود على قنفود ومادبحوه .
- اللي مشى بلا عراضة يجلس بلا فراش.
- لمكسي بديال الناس عريان .
- عند رخصو تخلي نصو.
- اللي سبقك بليلة سبقك بحيلة.

الرجوع الى أعلى الصفحة اذهب الى الأسفل
http://www.kachaf.yoo7.com
ayach
Admin
Admin
avatar

ذكر
الابراج : الاسد
الفأر
عدد المساهمات : 3016
نقط : 11400
تاريخ الميلاد : 15/08/1984
تاريخ التسجيل : 29/08/2009
العمر : 33

مُساهمةموضوع: رد: مجموعة امثال مغربية رااااااااااااائعة   الثلاثاء أغسطس 24, 2010 2:28 pm

هههههههههههههههههههههههه


شكراااااااااااااااااااااااا

_________________
Mohamed El Ayach

Créez votre badge" border="0" alt="" />
الرجوع الى أعلى الصفحة اذهب الى الأسفل
http://kachaf.yoo7.com
jango
عضو قائد
عضو قائد
avatar

ذكر
الابراج : العذراء
النمر
عدد المساهمات : 2727
نقط : 10828
تاريخ الميلاد : 20/09/1986
تاريخ التسجيل : 01/09/2009
العمر : 31
العمل/الترفيه : الانشطة الجماعية

مُساهمةموضوع: رد: مجموعة امثال مغربية رااااااااااااائعة   السبت يناير 08, 2011 7:14 am

لا شكرا على واجب

مشكور انت سيدي المدير على المرور
الرجوع الى أعلى الصفحة اذهب الى الأسفل
http://www.kachaf.yoo7.com
 
مجموعة امثال مغربية رااااااااااااائعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنظمة المغربية للكشافة و المرشدات  :: بستان الحكم و الامثال و المقولات المأثورة :: الحكم و الامثال-
انتقل الى: